Lumir Abdixhiku, kryetar i LDK-së, përmes një postimi në Facebook, ka njoftuar se Alban Zogaj, aktualisht nënkryetar i Prishtinës, është zgjedhur kryetar i degës së tretë të LDK-së.

Tutje, Abdixhiku theksoi se për Zogajn kanë votuar të njëqind e një delegatët e kuvendit zgjedhor.

“Zgjedhjet në LDK janë festë. Po i afrohemi ngadalë fundit të procesit zgedhor, me rreth 35 mijë pjesëmarrës. Si rrallëherë më parë, ky proces përveç se manifestim i demokracisë, u shndërrua edhe në mobilizim të anëtarësisë e qytetarisë aktive.” – shkroi Abdixhiku.